Ötən günlər ərzində Gəncənin Yeni Gəncə yaşayış massivi, H.Məmmədquluzadə küçəsində və şəhərin digər ərazilərində qanunsuz küçə ticarəti ilə məşğul olan şəxslərlə “İşçi qrupları” tərəfindən maarifləndirici və izahedici söhbətlər aparılıb.
Gencexeber.az Gəncə Şəhər İcra Hakimiyyətinə istinadən məlumat verir ki, bir çox ərazidə səki və yol kənarlarında qurulan pərakəndə ticarət obyektlərinin, həmçinin ticarət köşklərinin və mağazaların qarşısına qoyulan soyuducuların yığışdırılması təmin olunub.
Aparılan izahedici söhbətlərə və edilən xəbərdarlığa məhəl qoymayan şəxslər barəsində isə Azərbaycan Respublikasının “İnzibati Xətalar Məcəlləsinin” 454-cü maddəsinə uyğun olaraq protokollar tərtib edilib.
