Gəncədə binaların lift problemi sakinləri narahat edir.
Gencexeber.az-a daxil olan şikayətlərə əsasən, Abbas Səhhət adına xəstəxananın yaxınlığında yerləşən Musa Xələfov küçəsindəki doqquzmərtəbəli binaların sakinləri liftlərin nasazlıq bildirirlər.
Sakinlərin sözlərinə görə, liftlər demək olar ki, mütəmadi olaraq sıradan çıxır, tez-tez dayanır və işıqları sönür. Bəzən isə ümumiyyətlə işləmədiyi hallarla qarşılaşırlar. İddia edilir ki, sözügedən vəziyyət onlar tərəfindən hər ay lift xidmətləri üçün ödənişlərin geçikdirilmədiyi halda baş verir.
Vətəndaşlar liftlərin tam təmirini və təhlükəsizliyin təmin olunmasını tələb edirlər.
