Xəbər verdiyimiz kimi, Gəncədə abadlıq işləri zamanı piyadaların təhlükəsiz hərəkətinin təmin edilməsi istiqamətində səhvlərə yol verilib.
Gencexeber.az-a ictimai fəal Kamil Qasımov tərəfindən verilən məlumata görə, Bakı Abadlıq Xidməti tərəfindən piyada səkiləri tamet daşları ilə yenidən döşənir. Lakin uşaq arabası ilə hərəkət edən analar və əlil arabasına məhkum olunmuş şəxslərin təhlükəsiz və rahat hərəkəti üçün zəruri şərait yaradılmayıb.
Məsələ ictimaiyyətin diqqətinə çatdırıldıqdan dərhal sonra aidiyyəti qurum operativ reaksiya verib.
Belə ki, şəhərin Atatürk prospektində müşahidə olunan nöqsanlar aradan qaldırılıb. Betonla hazırlanan panduslar düzəldilib. Piyadaların fasiləsiz hərəkəti üçün panduslar normativlərə uyğun qaydada quraşdırılıb.
