Gəncə şəhər Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsi tərəfindən payız mövsümünün gəlişi ilə əlaqədar olaraq mövsümə uyğun dekorativ güllərin əkininə start verilib.
Gencexeber.az bildirir ki, ilkin olaraq Nizami Gəncəvi prospektində yerləşən dairələrdə güllərin daha uzunömürlü olması üçün əkindən öncə torpaq, torf və müxtəlif gübrələrlə zənginləşdirilib, sonra müxtəlif adda mövsümü bitkilərin əkini aparılıb.
Bundan başqa MKTİB tərəfindən ərazidə mövcud yaşıllıqlara aqrotexniki qulluq göstərilib, suvarılması təmin edilib. Yaşıllaşdırma aksiyasına MKTİB-nin əməkdaşları və birliyin texnikaları cəlb olunub.
