Gəncə şəhərində yerləşən Fikrət Əmirov adına parkda ağacların quruması ciddi narahatlığa səbəb olub.
Sakinlərin Gencexeber.az-a ünvanladığı şikayətə əsasən, parkda olan ağacların əksəriyyəti quruyub və vəziyyət təhlükəli həddə çatıb.
Sakinlər bildirirlər ki, qurumuş ağaclar hər an aşaraq insanların həyatına təhlükə yarada bilər. Xüsusilə çinar və şam ağaclarının vəziyyəti daha acınacaqlıdır.
Parkda bəzi təmir işləri aparılsa da, ağaclara qulluq göstərən aidiyyəti qurumların fəaliyyəti hiss olunmur. Yerli əhali məsələ ilə bağlı müvafiq strukturlardan tədbir görülməsini tələb edir.
Qeyd edək ki, Fikrət Əmirov adına park şəhərin mərkəzi hissəsində yerləşir və uzun illərdir ki, istirahət üçün əsas məkanlardan biri hesab olunur.
