Azərbaycan Dövlət Aqrar Universiteti (ADAU) 2025–2026-cı tədris ili üzrə əcnəbilər və vətəndaşlığı olmayan şəxslər üçün tələbə qəbulu elan edib.
Gencexeber.az xəbər verir ki, namizədlərin müraciətləri elektron formada mərkəzləşdirilmiş qaydada Təhsil Portalı (portal.edu.az) səhifəsi vasitəsilə qəbul olunur. Əcnəbilər və vətəndaşlığı olmayan şəxslərin qəbulu Universitetdə yaradılan Qəbul komissiyası tərəfindən həyata keçirilir.
Komissiya tərəfindən qəbul edilən və məqbul sayılan namizədlər növbəti mərhələdə 2500 ABŞ dolları məbləğində təhsil haqqını ödəməklə tələbə statusu qazanırlar. Universitetə gəldikdən sonra isə fərdi qaydada müqavilə imzalanaraq, rəsmi əmr əsasında universitetin tələbəsi kimi qeydiyyata alınırlar.
Qəbul üçün son müraciət tarixi 9 sentyabr 2025-ci il olaraq müəyyən edilib.
