Gəncədə yol-nəqliyyat hadisəsi baş verib.
Gencexeber.az-ın məlumatına görə, qəza şəhər ərazisində İmamzadə dini kompleksinə gedən yolda qeydə alınıb. Opel markalı minik avtomobili "KamAz" markalı iritonnajlı yük maşınına çırpılıb.
Hadisə nəticəsində Opel-in sürücüsü xəsarət alaraq Abbas Səhhət adına Xəstəxanaya çatdırılıb. Minik avtomobilinə ciddi ziyan dəyib.
Əraziyə polis əməkdaşları cəlb olunub. Faktla bağlı araşdırma aparılır.
