Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən şəhərin prospekt və küçələrində genişmiqyaslı təmizlik işləri davam etdirilir.
Gencexeber.az quruma istinadən bildirir ki, budəfəki təmizlik aksiyası Heydər Əliyev və Atatürk prospektlərində, həmçinin bu prospektlərlə kəsişən küçələrdə təşkil olunub.
MKTİB-nin Ərazi Xidmət Sahələrinin əməkdaşları və qurumun texnikaları vasitəsilə adıçəkilən ərazilər məişət tullantılarından, alaq otlarından, eləcə də daş, qum və toz-torpaqdan təmizlənib.
Sözügedən ərazilərdə mövcud olan zibil qutuları boşaldılıb, ətrafı təmizlənərək səliqə-sahman yaradılıb.
