Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən şəhər ərazisində növbəti təmizlik aksiyası təşkil olunub.
Gencexeber.az quruma istinadən bildirir ki, iməcilik zamanı Sədi Şirazi küçəsi 31 saylı binanın ətrafı alaq otlarından, eləcə də daş, qum və toz-torpaqdan təmizlənib.
Yığılan tullantıların ərazidən daşınması təmin edilib. Sözügedən ərazidə mövcud olan zibil qutuları boşaldılıb, ətrafı isə təmizlənərək səliqəli şəkilə salınıb.
Təmizlik aksiyasına MKTİB-nin 5 və 13 saylı Ərazi Xidmət Sahələrinin əməkdaşları, həmçinin qurumun texnikaları cəlb olunub.
Gəncə şəhər MKTİB əhaliyə müraciət edərək bildirir ki, məişət və digər tullantılarını təyin olunan yerlərə qoyulan tutumlara atsınlar və kommunal xidmətlərə görə, aylıq ödənişlərini vaxtında ödəsinlər.
