Respublika ərazisi üçün sentyabr ayına olan hava proqnozu açıqlanıb.
Gencexeber.az-a Milli Hidrometeorologiya Xidmətindən verilən məlumata görə, sentyabr ayı yay fəslinin sonu payız fəslinin başladığı ay kimi xarakterizə olunur. Bunula əlaqədar olaraq ay ərzində həm isti, həm də soyuq dövrə aid olan sinoptik proseslər müşahidə olunur.
Yağıntının miqdarı əsasən iqlim normasına yaxın olacağı ehtimal olunur. Ayın əvvəlində ölkə ərazisində hava şəraitinin mülayim, əksər rayonlarda əsasən yağmursuz keçəcəyi gözlənilir.
Gəncədə havanın orta aylıq temperaturunun 22-24 dərəcə isti olacağı gözlənilir ki, bu da iqlim normasına yaxın və 1-3 dərəcə yüksəkdir. Gecələr havanın temperaturu 18-23 dərəcə, gündüzlər 24-29 dərəcə, bəzi günlərində 33-35 dərəcə isti olacağı gözlənilir. Aylıq yağıntının miqdarının iqlim normasına yaxın olacağı gözlənilir (norma 17-44 mm).
