Gəncə şəhər Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsi şəhərin müxtəlif ərazilərində mövsümü ağac, kol və gül əkinini davam etdirir.
Gencexeber.az bildirir ki, qurumun gülçülük və tingçilik sahəsində becərilən müxtəlif növ ağaclar, dekorativ kollar və güllərin təyin olunan yerlərə köçürülməsi prosesi aparılır. Yaşıllaşdırma kampaniyasının budəfəki ünvanı Gəncə şəhər İcra Hakimiyyətinin inzibati binasının ərazisində yerləşən Dövlət Bayrağının ətrafı olub. Əraziyə gül və kol bitkiləri əkilib.
Bundan başqa MKTİB tərəfindən, Gəncənin şərq istiqamətindəki magistral yolunun kənarlarına, leylandra ağaclarının əkini aparılıb.
Ümumilikdə bu əraziyə 300-ə yaxın ağacın əkini nəzərdə tutulub.
Bununla paralel olaraq qurumun Yaşıllaşdırma şöbəsinin əməkdaşları tərəfindən şəhərdə, mövcud və yeni əkilən yaşıllıq zolaqlarına aqrotexniki qulluq göstərilib, suvarılması təmin edilib.
