Xəbər verdiyimiz kimi, Azərbaycanın Milli Qəhrəmanı Natiq Qasımovun anası, 83 yaşlı Dursun Qasımova dünyasını dəyişib. Bu gün Gəncə şəhərində mərhumla vida mərasimi keçirilir.
Gencexeber.az xəbər verir ki, vida mərasimi Dursun Qasımovanın yaşadığı evdə təşkil olunub. Mərasimdə şəhər rəsmiləri, şəhid və qazi ailələrinin üzvləri, Vətən müharibəsi iştirakçıları, ictimaiyyət nümayəndələri və mərhumun yaxınları iştirak edirlər. Onlar ölkənin qəhrəman oğlunun anasına son ehtiramlarını bildirir, ailəsinə başsağlığı verirlər.
Məlumata görə, Dursun Qasımova uzun müddətdir səhhətindəki problemlərlə mübarizə aparırdı. O, dünən axşam saatlarında vəfat edib. Mərhumə bu gün Səbiskar qəbiristanlığında, həyat yoldaşının məzarı yanında torpağa tapşırılacaq.
Allah rəhmət eləsin.
