Gəncədə 7 nömrəli tam orta məktəbin qarşısında zibil qutularının vəziyyəti narahatlıq doğurur.
Gencexeber.az-a ünvanlanan şikayətə əsasən, təhsil ocağının qarşısında zibil qutularının qırıq və istifadəyə yararsız vəziyyətdə olması, eyni zamanda ərazidəki kanalizasiyanın daşması sakinlərin narazılığına səbəb olub.
Vətəndaşlar bildirir ki, məsul qurumlara edilən müraciətlərə baxmayaraq, problem hələ də həllini tapmayıb.
Qırıq qutular tullantıların ətrafa dağılmasına və ərazidə xoşagəlməz görüntülərin yaranmasına səbəb olur. Həmçinin kanalizasiyanın üfunəti ərazini ağuşuna alır.
Sakinlər məsul qurumlardan sözügedən problemlərin tez bir zamanda aradan qaldırılmasını tələb edirlər.
