Gəncə şəhərində müvafiq icazəverici sənədlər olmadan aparılan tikintilərlə bağlı nəzarət tədbirləri davam etdirilir.
Gencexebe.az-a Gəncə Şəhər İcra Hakimiyyətindən verilən məlumata görə, Gəncədə yerləşən məcburi köçkünlər üçün salınmış 1500 ailəlik qəsəbənin ətraf ərazisində və Hacıkənd qəsəbəsində dövlət mülkiyyətinə məxsus torpaq sahələrində qeyri-qanuni şəkildə aparılan yaşayış, həmçinin qeyri-yaşayış tikililəri aşkarlanıb. Onların müvafiq qanunvericiliyə uyğun olaraq söküntüsü həyata keçirilib.
Monitorinqlər Gəncə Şəhər İcra Hakimiyyəti yanında Şəhərdə tikinti norma və qaydalarına riayət olunmadan aparılan tikintilərin müəyyən edilməsi məqsədilə yaradılan komissiya üzvlərinin, FHN-nin Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin, Əmlak Məsələlər Dövlət Xidmətinin Gəncə Ərazi Şöbəsinin və hüquq-mühafizə orqanlarının nümayəndələrinin iştirakı ilə aparılıb.
Aparılan monitorinqlər bundan sonra da mütəmadi olaraq davam etdiriləcəkdir.
