Gəncənin mərkəzində yerləşən Nizami Gəncəvi prospektinin 2-ci dalanında aylardır yaşanan işıq problemi həll edilib.
Gencexeber.az-a Mənzil Kommunal Təsərrüfatı İstehsalat Birliyindən (MKTİB) verilən məlumata əsasən, sözügedən ərazidə yaranan texniki problem, ötən gün qurumun Küçə İşıqlanması şöbəsinin əməkdaşları tərəfindən tam aradan qaldırılıb.
Qeyd edilib ki, adıçəkilən ünvana bir müddət əvvəl yeni işıq dirəkləri və işıqlandırma sistemi quraşdırılıb. Lakin bir neçə gündür ki, ərazini enerji ilə qıdalandıran xəttində baş verən texniki nasazlıq səbəbindən prospektin 2-ci dalanında küçə işıqlarının işıqlandırılmasında fasilə yaranıb.
