Gəncə şəhərində xırda ticarətlə məşğul olan köşklərin birindən oğurluq cəhdi qeydə alınıb.
Gencexeber.az-ın məlumatına görə, hadisə M.C.Paşayev adına 39 nömrəli tam orta məktəbin yaxınlığında, Dədə Qorqud küçəsində baş verib. Təqdim etdiyimiz müşahidə kameralarının görüntülərinə əsasən, mayın 29-dan 30-na keçən gecə, saat 04:00 radələrində naməlum şəxs təxminən bir dəqiqə ərzində köşkə daxil olmağa çalışıb.
Üzünü yaylıqla örtmüş, başına kepka və kapüşon taxmış, belində isə məktəbli çantası olan yeniyetmə görünüşlü şəxsin əvvəlcə köşkü, ardınca isə soyuducunu zorla açmağa cəhd edib. Lakin oğurluq cəhdi uğursuz alınıb.
Hadisə ilə bağlı hüquq-mühafizə orqanlarına məlumat verilib. Faktla bağlı araşdırma aparılır.
