Böyük Bağman məhəlləsində mağazada oğurluq hadisəsi baş verib.
Gencexeber.az-ın məlumatına görə, hadisə Təbriz küçəsində yerləşən mağazaların birində qeydə alınıb. Telefonla danışan şəxs mağazaya daxil olaraq satıcını toyuq gətirmək üçün digər şöbəyə yollayıb. İşçi ondan uzaqlaşan kimi tez bir zamanda tərəzinin üzərində olan siqaret qutularını götürərək mağazadan çıxıb və taksiyə minərək ərazidən uzaqlaşıb.
O, mağazadan 3 blok siqaret aparıb. Oğurlanan məhsulların ümumi dəyəri 98 manat təşkil edib.
Eyni şəxsin daha sonra başqa mağazalara da daxil olması məlum olsa da, oradan heç nə aparmağa nail olmayıb.
Faktla bağlı hüquq-mühafizə orqanları məlumatlandırılıb. Hazırda hadisəni törədən şəxsin tapılması istiqamətində araşdırmalar aparılır.
