Gəncədə əmək yarmarkası keçiriləcək.
Gencexeber.az-a Dövlət Məşğulluq Agentliyindən verilən məlumata görə, Gəncə-Daşkəsən Regional Məşğulluq Filialının dəstəyi ilə Gəncə şəhərində növbəti əmək yarmarkası təşkil olunacaq.
Tədbir avqustun 14-ü saat 11:00-dan 13:00-dək keçiriləcək. Yarmarka Məmməd Xələfov küçəsi 122 ünvanında yerləşən Gəncə-Daşkəsən Regional Məşğulluq Filialında baş tutacaq.
“SOCAR Petroleum” QSC ilə birgə təşkil olunacaq yarmarkada aşağıda qeyd edilən vakansiyalar təqdim ediləcək:
Növbə rəisi;
Elektrik montyoru;
Yanacaqdoldurma stansiyasının operatoru;
Yardımçı fəhlə.
Qeyd edək ki, namizədlərin şəxsiyyət vəsiqələrini təqdim etmələri mütləqdir. Onların CV nümunəsi ilə birlikdə gəlmələri arzuolunandır. Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
