Gəncədə ilk salınan velosiped zolağı ilə bağlı sürücülərin narazılığı var.
Gencexeber.az məlumat verir ki, şəhərin Tağı Arani küçəsində — bir tərəfi Nizami Gəncəvi prospektinə, digər tərəfi isə Müseyib Bağırov küçəsi ilə kəsişən hissədə 300 metr məsafədə çəkilən velosiped zolağı sıxlıq zamanı avtomobillər tərəfindən istifadə olunur.
Lakin zolaq əksər hallarda avtomobillərin istifadəsinə keçir. Sürücülərin sözlərinə görə, həmin ərazidə velosipedçilərə rast gəlinmir. Onlar hesab edirlər ki, bu təşəbbüs yalnız yolun daralmasına və sıxlığa səbəb olur.
Şikayətçilər əlavə ediblər ki, zolaq qısa məsafədə — 300 metrdən sonra bitdiyi üçün velosipedçilərin davamlı hərəkəti təmin olunmur. Bu səbəbdən də həmin hissə ümumiyyətlə velosiped sürmək üçün əlverişli deyil.
Avtomobil sahibləri yaranmış vəziyyəti absurd adlandırırlar. Onlar hesab edirlər ki, velosipedçilərə real şərait yaradılmadığı halda, həmin zolaq yenidən avtomobillərin istifadəsinə qaytarılmalıdır.
