Gəncə şəhər Mənzil Kommunal Təsərrüfatı İstehsalat Birliyi tərəfindən şəhər ərazisində yaşayış və qeyri-yaşayış binalarının qəzalı vəziyyətdə olan dam örtüklərində və novdanlarında təmir işləri həyata keçirilib.
Gencexeber.az bildirir ki, qurumun "Qəza xidməti" briqadasına edilən vətəndaş müraciətləri əsasında Azərbaycan Bayrağı küçəsi, bina 91, mənzil 17 saylı ünvanda təmir-bərpa işləri görülüb.
Sakinlərin müraciətləri əsasında sözügedən yaşayış binasının novdanlarında və dam örtüyündə yaranan nasazlıqlar aradan qaldırılıb. Təmir-bərpa işlərinə MKTİB-nin xüsusi texnikaları və canlı qüvvəsi cəlb olunub.
Qeyd edək ki, Gəncə şəhər ərazisində güclü külək və leysan xaraketrli hava şəraiti nəticəsində dam örtüklərində yaranan nasazlıqlar mərhələli şəkildə aradan qaldırılır.
