Gəncə şəhərində güclü külək bir sıra fəsadlara yol açıb.
Gencexeber.az-ın məlumatına əsasən, güclü külək şəhər ərazisində 5 irigövdəli ağacı aşırıb.
Xoşbəxtlikdən hadisə zamanı xəsarət alan olmasa da, qırılan ağaclar piyadaların və avtomobillərin hərəkətində müəyyən çətinliklər yaradıb.
Gəncə şəhər Mənzil Kommunal Təsərrüfat İstehsalat Birliyinin canlı qüvvə və texnikaları vasitəsilə gecə saatlarından başlayaraq baş vermiş təbiət hadisəsinin fəsadlarının aradan qaldırılması istiqamətində işlər həyata keçirilib.
