Aleksandr Puşkin və 20 Yanvar küçələrinin kəsişməsində yol nişanı “qeybə çəkilib”.
Gencexeber.az-a daxil olan şikayətə əsasən, Gəncə şəhərində Aleksandr Puşkin küçəsi ilə 20 Yanvar küçəsinin kəsişməsində yerləşən yol nişanı tamamilə ağac budaqları ilə örtülüb. Bu vəziyyət sürücülərin və piyadaların hərəkətinə təhlükə yaradır.
Sakinlərin sözlərinə görə, artıq uzun müddətdir ki, aidiyyəti qurumlar tərəfindən budama işləri aparılmayıb. Yol nişanının görünməməsi qəza riskini artırır və nəqliyyatın hərəkətinin düzgün tənzimlənməsinə əngəl törədir.
Sürücülər məsələ ilə bağlı tədbir görülməsini və ağacın budaqlarının vaxtında kəsilməsini tələb edirlər.
