Azərbaycan Gənc Müəllimlər Assosiasiyasının (AGMA) təşkilatçılığı, Elm və Təhsil İşçiləri Həmkarlar İttifaqının tərəfdaşlığı və Gəncə-Daşkəsən Regional Təhsil İdarəsinin dəstəyi ilə "Gənc Müəllimlər: Suverenlik Yolunda Təhsil Missiyası Forumu" bu dəfə Gəncədə keçiriləcək.
Gencexeber.az məlumat verir ki, forumun əsas məqsədi - gənc müəllimlər arasında milli-mənəvi dəyərləri möhkəmləndirmək, müstəqillik və suverenliyin qorunmasında müəllimin rolunu vurğulamaq, həmçinin təhsil işçilərinin bu istiqamətdəki missiyasını müzakirə etməkdir.
Forum oktyabrın 21-də 14:00-da Gəncə Dövlət Universitetinin 5-ci korpusunda keçiriləcək.
