Avqustun 25-də Gəncə şəhərində fizika fənni üzrə təlim təşkil olunacaq.
Gencexeber.az məlumat verir ki, təlim Şəhid Müşfiq İsmayılzadə adına Dərs evində saat 12:00-da keçiriləcək. Tədris tədbirinin əsas məqsədi abituriyentlər və sertifikasiya imtahanına hazırlaşan müəllimlərə nəzəri, eləcə də praktiki biliklərin aşılanmasıdır.
Təlimi fizika müəllimi Sevinc Musayeva tərəfindən aparılacaq. Müəllimə bildirib ki, dərs interaktiv və izahlı şəkildə keçiriləcək, iştirakçılar həm mövzu ilə bağlı yeni biliklər əldə edəcək, həm də imtahan sualları ilə bağlı fikir sahibi olacaqlar.
Tədbirdə iştirak tam ödənişsizdir.
Maraqlanan şəxslər (055) 229 78 44 mobil telefon nömrəsi ilə əlaqə saxlayaraq qeydiyyatdan keçə bilərlər. Sözügedən tədris mərkəzi Molla Pənah Vaqif Vaqif küçəsi, dalan 7 ünvanında (5 nömrəli məktəbin qarşısı, Keçəllər küçəsi) yerləşir.
