Bölgəmizdə şəhərlərin birində dəbdəbəli ehsanların verilməsi praktikası ləğv ediləcək.
Gencexeber.az bildirir ki, Mingəçevir şəhər Ağsaqqallar Şurasının hesabat toplantısında bu barədə məsələ qaldırılıb.
Belə ki, şuranın keçirilən hesabat yığıncağında gündəmdə olan məsələlərdən biri də ehsan məclislərinin qadağan olunması ilə bağlı səsləndirilən təklif və fikirlər olub.
Qeyd olunub ki, ən yaxın günlərdə Mingəçevir şəhər rəhbərliyi, dini icma və Ağsaqqallar Şurası tərəfindən bu qaydanın tətbiqi ilə bağlı müvafiq qərar çıxarılacaq.
Xatırladaq ki, oxşar qayda bir müddət əvvəl Sabirabad rayonunda tətbiq olunub. Lakin Gəncə də bu cür təşəbbüsün müzakirə ediləcəyi barədə şayiələr yayılsa da rəsmi məlumat yoxdur.
