Gəncə şəhər Mənzil Kommunal Təsərrüfatı İstehsalat Birliyi (MKTİB) qış mövsümünə hazırlıq məqsədilə balansında olan yaşayış binalarının dam örtüklərində və novdanlarında yarana biləcək fəsadların aradan qaldırılması istiqamətində işlərini davam etdirir.
Gencexeber.az bildirir ki, qurumun Tikinti və Qəza xidməti şöbəsi tərəfindən bu dəfə Dədə Qorqud küçəsində yerləşən 1B yaşayış binasında dam örtüyü və novdanın qəzalı hissələri təmir edilib.
MKTİB-nin mütəxəssisləri tərəfindən yağış sularının normal axınına maneçilik törədən toz-torpaq, xəzəl və bərkimiş palçıq kütlələri də dam örtüklərindən və novdanlardan təmizlənib. Məqsəd qeyri-sabit və yağıntılı hava şəraitində sakinlərin rahatlığının təmin edilməsidir.
