Gəncə şəhərinin Şah İsmayıl Xətai prospektində, "İstikbal" mebel dükanının qarşısında kanalizasiya lükləri daşır.
Gencexeber.az-a daxil olan çoxsaylı şikayətlərə əsasən, bir-birindən təxminən 3 metr aralıda yerləşən kanalizasiya lüklarından çirkab suları fontan vurur. Sözügedən hal artıq 3 gündür davam edir.
Ətrafda üfunətin yayılmasına baxmayaraq, aidiyyəti qurumlar tərəfindən hələlik heç bir tədbir görülməyib. Bu isə həm piyadaların hərəkətini çətinləşdirir, həm də sanitar vəziyyəti daha da pisləşdirir.
Sakinlər məsələ ilə bağlı operativ müdaxilə olunmasını tələb edirlər.
