Gəncədə yerləşən yataqxanalardan birində binanın fasadından beton qopub tökülüb.
Gencexeber.az-ın məlumatına əsasən, hadisə şəhərin Gülüstan qəsəbəsində AKTA-6 Qərərgah adlanan yataqxanada baş verib.
Belə ki, səhər saatlarında Cuma Hüseynov və Ramin Rəhimovun məskunlaşdığı evin eyvanından beton parçaları qoparaq yerə tökülüb, xoşbəxtlikdən hadisə zamanı xəsarət alan olmayıb.
İlkin məlumata görə, hadisəyə səbəb binanın baxımsız və qəzalı vəziyyətdə olmasıdır.
Sakinlər bildiriblər ki, hadisə ilə bağlı aidiyyəti qurumlara məlumat verilib.
Sözügedən yataqxanada Kəlbcər rayonundan olan qaçqın ailələr yaşayır.
