Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrinin VI siniflərində keçirilmiş monitorinqin nəticəsində əsasən riyaziyyat fənnindən ən yaxşı nəticə göstərən sinfin müəllimləri açıqlanıb.
Gencexeber.az bildirir ki, bununla bağlı regional idarə məlumat yayıb.
Sinifləri yüksək nəticə göstərən müəllimlər:
Gəncə şəhər İ.Məmmədov adına 27 nömrəli məktəb- liseyin 6ç sinfinin riyaziyyat müəllimi Mətanət Xəlilova;
Goranboy rayon R.İbrahimov adına Veyisli kənd tam orta ümumtəhsil məktəbinin 6b sinfinin riyaziyyat müəllimi Sevinc Yusifova;
Naftalan şəhər İ.Nəsimi adına 1 nömrəli tam orta ümumtəhsil məktəbinin 6b sinfinin riyaziyyat müəllimi Təranə Hümbətova;
Goranboy rayon Rəhimli kənd tam orta ümumtəhsil məktəbinin 6a sinfinin riyaziyyat müəllimi Naibə Həsənova;
Göygöl rayon S.Vurğun adına 3 nömrəli tam orta ümumtəhsil məktəbinin 6b sinfinin riyaziyyat müəllimi Gülnarə Mustafayeva.
Qeyd edək ki, şagird nailiyyətlərinin yaxşılaşdırılması, şagirdlərdə müvafiq standartlar üzrə bilik və bacarıqların hansı səviyyədə formalaşdığının müəyyən edilməsi, tədrisin keyfiyyətinin artırılması və səriştə əsaslı qiymətləndirmənin təşviqi istiqamətində tədbirlərin görülməsi monitorinqin əsas məqsədlərindəndir.
