Gəncənin Dadaş Bünyadzadə küçəsində kanalizasiya sisteminin olmaması sakinlər üçün ciddi narahatlığa çevrilib.
Gencexeber.az-a müraciət edən yerli sakinlərin sözlərinə görə, küçə boyunca uzanan arxdan üfunətli qoxu yayılır və ətraf mühitdə antisanitariya şəraiti yaradır.
Sakinlər bildirirlər ki, xüsusilə yay aylarında vəziyyət daha da dözülməz hal alır. Qoxunun intensivliyi həm insanların gündəlik həyatına, həm də uşaqların sağlamlığına mənfi təsir göstərir. Həmin ərazidən keçmək belə müşkülə çevrilib.
“Dəfələrlə aidiyyəti qurumlara müraciət etmişik, lakin hələ də məsələ ilə bağlı heç bir tədbir görülməyib,” – deyə şikayətçilər qeyd edirlər.
Sakinlər məsələ ilə bağlı təcili olaraq kanalizasiya sisteminin qurulmasını tələb edirlər.
