Azərbaycan Dövlət Aqrar Universiteti (ADAU) və Türkiyənin Çukurova Universitetinin birgə təşkilatçılığı ilə 20–23 oktyabr tarixlərində Gəncə şəhərində yerləşən Heydər Əliyev Mərkəzində "V Beynəlxalq Kənd Təsərrüfatı və Qida Texnologiyalarının Tədqiqi Konfransı ("I-CRAFT 2025") keçiriləcək.
Gencexeber.az bildirir ki, konfransın məqsədi kənd təsərrüfatı və qida texnologiyaları sahəsində fəaliyyət göstərən alimləri, tədqiqatçıları və sənaye nümayəndələrini bir araya gətirərək elmi biliklərin, innovativ yanaşmaların və qabaqcıl təcrübələrin paylaşılmasına şərait yaratmaqdır.
"I-CRAFT 2025" BMT-nin Dayanıqlı İnkişaf Məqsədlərinə uyğun şəkildə qlobal çağırışlara yerli həll yollarının müzakirəsinə həsr olunacaq.
