Gəncədə sürücü toy karvanında qaydaları pozduğu üçün həbs olunub.
Gencexeber.az-a Daxili İşlər Nazirliyinin Mətbuat Xidmətinin Gəncə regional qrupunun baş inspektoru Eşqin Qasımov tərəfindən verilən məlumata görə, Gəncə Şəhər Baş Polis İdarəsinin Dövlət Yol Polisi Şöbəsinin əməkdaşları tərəfindən keçirilən tədbirlər zamanı toy karvanında avtoxuliqanlıq edərək ictimai qaydanı kobud şəkildə pozan, yol hərəkəti iştirakçılarına real təhlükə yaradan BMW markalı avtomobilin sürücüsü M.Məmmədov saxlanılıb.
Məhkəmənin qərarı ilə sürücü bir il müddətinə sürücülük hüququndan məhrum edilib və 15 sutka inzibati qaydada həbs olunub.
Bundan əlavə, polis əməkdaşları tərəfindən aparılan nəzarət tədbirləri zamanı aşağıda qeyd edilən qanunazid hərəkətlər edən sürücülər də aşkarlanıb:
- Qanunla qadağan olunmuş səs və işıq cihazlarından istifadə edən;
- Görməni məhdudlaşdıran konstruksiya dəyişiklikləri edən;
- Dövlət qeydiyyat nişanı olmayan;
- Digər ciddi qayda pozuntularına yol verən.
Sözügedən şəxslər barəsində qanunvericiliyə uyğun tədbirlər görülüb. Əlavə edilib ki, Gəncədə profilaktik tədbirlər davam etdirilir.
