Bu il Gəncə şəhər 21 nömrəli tam orta məktəbin 9a sinfi könül oxşayan uğura imza atıb.
Gencexeber.az-ın məlumatına görə, sinfin 25 şagirdindən 13-ü qırmızı attestat almağa müvəffəq olub. Təkcə bununla da bitmir – sinifin 20 şagirdi buraxılış imtahanlarında 200-dən yuxarı bal toplayaraq həm müəllimlərini, həm də valideynləri sevindirib.
Sinifdə ən yüksək nəticəni isə Zeynəb Verdiyeva göstərib – o, ümumilikdə 295 bal toplayaraq sinfin iftixarı olub.
Bu uğur şagirdlərin fədakar əməyi ilə yanaşı, müəllimlərin uzunmüddətli zəhməti, diqqəti və sevgisi ilə qurulan təhsil münasibətlərinin təbii nəticəsidir.
