Gəncədə bir qrup sakin yaşadıqları binanın ətrafındakı ilanlardan narahat olduqlarını bildiriblər.
Gencexeber.az-a daxil olan çoxsaylı şikayətlərə əsasən, Gəncə şəhəri Zülfi Hacıyev küçəsində yerləşən 54 nömrəli binanın qarşısında ilanların peyda olması sakinlər arasında ciddi təşviş yaradıb.
Sakinlərin bildirir ki, hər gün qarşılarına zəhərli sürünənlər çıxır: “Uşaqlar çölə çıxmağa qorxur. Özümüz də hər an təhlükə ilə üz-üzə qalırıq”.
Sakinlərin sözlərinə görə, ərazidə uzun müddətdir dərmanlama işləri aparılmayıb:
“İlanlara qarşı dərmanlama işləri aparılmalıdır. Xüsusi qoxulu maddələrdən istifadə edilərək, ilanların əraziyə gəlməsinin qarşısı alınmalıdır”.
Hazırda sakinlər aidiyyəti qurumlardan dəstək gözləyir. Onlar ərazidə operativ tədbirlər görülməsini tələb edirlər.
