Gəncə şəhəri, Dədə Qorqud küçəsi, bina 32 ünvanında yaşayan sakinlər uzun müddətdir kanalizasiya sisteminin yararsız vəziyyətində olmasından əziyyət çəkirlər.
Sakinlərin Gencexeber.az-a ünvanladığı şikayətə əsasən, kanalizasiya şəbəkəsi dəfələrlə sıradan çıxıb və məhəllədə antisanitar vəziyyət yaranıb.
Şikayətçilər bildirirlər ki, problemə görə müxtəlif qurumlara dəfələrlə müraciət edilsə də, nəticə dəyişmir:
“Bəzi hallarda texniki xidmət göstərilsə də, bu, yalnız 1-2 gün davam edir. Sonra isə vəziyyət əvvəlki halına qayıdır. Kanalizasiya daşır, çirkab sular küçəyə axır. Məsul qurumlara çağırış edərək problemin müvəqqəti yox, təmir və yenidənqurma yolu ilə tam şəkildə həll olunmasını tələb edirik”.
