Gəncədə əsasən əlillərin istifadəsində olan nəqliyyat vasitələrində dövlət qeydiyyat nişanlarının hərflərinin gizlədilməsi və ya rəqəmlərin təhrif edilməsi halları getdikcə çoxalır.
Gencexeber.az-a daxil olan şikayətlərə əsasən, bəzən sürücülər bunu nümayişkaranə şəkildə edir və belə avtomobillərlə şəhər ərazisində rahat hərəkət edirlər.
Müşahidəçilərin fikrincə, bu cür hərəkətlər digər yol hərəkəti iştirakçılarını narahat edir. Onlar bildirirlər ki, belə hallara göz yumulması qayda pozanların məsuliyyətdən yayınmasını daha da asanlaşdıracaq və gələcəkdə daha çox qayda pozuntularına yol açacaq.
Redaksiyamıza daxil olan videogörüntülərdə məhz bu cür avtomobillərdən birinin görüntüsü qeydə alınıb. Kadrlardan görünür ki, sürücü dövlət qeydiyyat nişanındakı hərfləri tamamilə gizlədib, sonrakı üç rəqəmdən ilki olan "5" rəqəmini "6" ilə əvəz edib.
