Gəncədə tanınmış marketlər şəbəkəsində xoşagəlməz mənzərə müşahidə edilib.
Gencexeber.az-a daxil olan şikayətə əsasən, "Gəncə Qalası Kompleksi" ticarət mərkəzində yerləşən "Bazarstore" marketlər şəbəkəsinin filialında satışa yararsız vəziyyətdə olan ərzaq məhsulları aşkarlanıb.
Sakin iddia edib ki, vitrində kiflənmiş kolbasa məhsullarının satışda olduğunu görüb. "Satıcılardan əvvəlcə xahiş etdim, məhsulları yığışdırsınlar. Sözümə məhəl qoymadılar", – şikayətçi deyib.
Vətəndaşın sözlərinə görə, satıcılara irad bildirəndə onlar "üzünü silirik, yenidən belə olur" cavabı veriblər.
Məsələ ilə bağlı görüntüləri təqdim edirik.
