Gəncədə 16 yaşlı oğlan başqa kişi ilə qaçan sevgilisini öldürmək istədi.
Gencexeber.az-ın məlumatına görə, hadisə ötən ilin sentyabrın 13-də şəhərin Azərbaycan Bayrağı küçəsində yerləşən “Əminə” marketin yaxınlığında qeydə alınıb.
Belə ki, 2009-cu il təvəllüdlü Murad Əmiraslanov Aygün adlı qadınla 2 ildir qeyr-rəsmi ər-arvad münasibətində yaşayıb. Bu münasibətdən onların 2 yaşlı bir qızları var. Murad Bakıda olarkən Aygün ona heç nə demədən uşağı anasına verib, Hüseyn adlı şəxslə qaçıb. Murad Gəncəyə gəlib, onların yerini axtararaq tapıb. Aygünlə Hüseynin əl-ələ gəzdiklərini görüb. Hüseyn Muradı görüb qaçmağa başlayıb. Murad Aygünə tərəf gedib, yumruq vuraraq onu yerə yıxıb. Ardınca isə çoxsaylı bıçaq zərbələri endirib. Murad Əmiraslanov saxlanılaraq istintaqa təhvil verilib.
İstintaq zamanı zərərçəkmiş Aygünün sözlərinə görə, Murad ona başqa şəxslə evlənəcəyini dediyi üçün əvvəlcədən münasibəti olan Hüseynlə qaçmaq qərarına gəlib. Gəncə Ağır Cinayətlər Məhkəməsində qəsdən adam öldürməyə cəhddə təqsirləndirilən Murad Əmiraslanovun cinayət işi üzrə məhkəmə istintaqı başa çatıb. Məhkəmənin hökmü ona 5 il 7 ay 15 gün müddətinə azadlıqdan məhrumetmə cəzası təyin edilib.
Fidan İlqar
