Gəncədə iri yanğın qeydə alınıb.
Gencexeber.az-ın məlumatına görə, hadisə Məhsəti Gəncəvi küçəsində Kərpic zavodu yaxınlığında baş verib. Ərazidə yerləşən təsərrüfatda yığılan tonlarla ot tayası alışıb. Güclü külək yanğının miqyasını artıraraq yaxınlıqdakı tikilini və arı pətəklərini məhv edib.
Dərhal hadisə yerinə Fövqəladə Hallar Nazirliyinin (FHN) yanğınsöndürən avtomobilləri və canlı qüvvəsi cəlb olunub. Qurumun əməkdaşlarının müdaxiləsi nəticəsində alovun ətraf tikililərə keçməsinin qarşısı alınıb.
Yanğın 4 saat davam edən tədbirlərdən sonra tamamilə söndürülüb. Hadisə nəticəsində xəsarət alan olmayıb.
Faktla bağlı araşdırma aparılır.
