Rəqəmsal İnkişaf və Nəqliyyat Nazirliyinin Kollegiyası avtobus marşrutları və metroda sərnişindaşıma üzrə yeni tariflər müəyyən edib.
Nazirlikdən Gencexeber.az-a bildirilib ki, müasir tələblərə cavab verən və yalnız nağdsız ödəniş alətləri vasitəsilə fəaliyyət göstərən müntəzəm şəhərdaxili (rayondaxili), qəsəbələrarası və şəhərətrafı avtobus marşrutlarında sərnişindaşıma xidmətlərinin tariflərinin aşağı həddi (məsafədən asılı olaraq tariflər dəyişir) 60 qəpik olaraq müəyyən edilib.
Tarif oktyabrın 1-dən qüvvəyə minəcək.
Qeyd edək ki, Gəncədə "BakuBus" MMC-yə məxsus avtobuslar dünəndən – sentyabrın 28-dən şəhərdə fəaliyyətə başlayıb. Hazırda Gəncə ərazisində yalnız bu şirkətin avtobuslarında, eləcə də 2 və 8 nömrəli marşrut xətlərində nağdsız ödəniş sistemi tətbiq olunur. Məhz buna görə də yeni tariflər yalnız sözügedən marşrut xətlərində qüvvəyə minəcək.
