Gəncədə "BakuBus" MMC-nin avtobuslarında səyahət müharibə əlilləri, veteranları və şəhid ailələri üzvləri üçün pulsuz olub.
Gencexeber.az xəbər verir ki, bu barədə Gəncə Şəhəri Vətən Övladları Qazilər və Veteranlar İctimai Birliyinin sədri Orxan Mustafayev sosial şəbəkə hesabında iddianı səsləndirib.
O.Mustafayev Prezident, Silahlı Qüvvələrin Ali Baş Komandanı İlham Əliyevə təşəkkürünü bildirərək qeyd edib ki, artıq müharibə əlilləri və veteranları, eləcə də şəhid ailəsi üzvü statusu almış şəxslər Gəncə şəhərində "BakuBus" MMC-nin avtobuslarından ödənişsiz şəkildə istifadə edə biləcəklər.
Orxan Mustafayevin sözlərinə görə, bu imkandan yararlanmaq üçün sözügedən kateqoriyaya aid şəxslər müvafiq təsdiqedici sənədi "BakuBus" MMC-nin avtobuslarının sürücülərinə təqdim etməlidirlər.
