Gəncədə toy karvanında konstruksiyası dəyişdirilmiş avtomobillərin iştirakı ilə bağlı sosial şəbəkələrdə yayılan görüntülərdən sonra polis tədbirlər görüb.
Gencexeber.az-a Daxili İşlər Nazirliyinin (DİN) Mətbuat Xidmətinin regional qrupunun baş inspektoru Eşqin Qasımov bildirib ki, polis əməkdaşları tərəfindən keçirilən tədbirlər nəticəsində "VAZ-2107" və "VAZ-21173" markalı avtomobillərin sürücülərinin nəqliyyat vasitələrinə qanunla qadağan edilmiş konstruksiya dəyişiklikləri edərək təhlükəli manevrlər etdikləri, bununla da piyada və digər hərəkət iştirakçıları üçün təhlükə yaratdıqları müəyyən edilib.
Faktla bağlı avtomobillər aşkar edilərək dərhal hərəkətdən kənarlaşdırılıb və sürücülər barəsində qanunamüvafiq tədbirlər görülüb.
