Gəncədə avtobus dayanacağı təhlükə saçır.
Gencexeber.az xəbər verir ki, Gəncə şəhərinin Musa Xələfov küçəsində, Abbas Səhhət adına 1 saylı xəstəxananın qarşısında yerləşən avtobus dayanacağı baxımsız vəziyyətdədir.
Sərnişinlərin minib-düşməsi üçün nəzərdə tutulmuş bu dayanacaq çirk və pas içində qalıb. Şüşəli hissələri qırılıb, metal konstruksiyası isə köhnəlib.
Hazırda sözügedən dayanacaq təhlükəsizlik baxımından da risk daşıyır və daha çox sərnişinlər üçün problem yaradır.
