Aşura günü münasibətilə Gəncənin “İmamzadə” dini kompleksində könüllü qanvermə aksiyası təşkil olunub.
Gencexeber.az-a Gəncə Şəhər İcra Hakimiyyətindən verilən məlumata görə, səhər saatlarından başlayan aksiya çərçivəsində həkim-hematoloqlar tərəfindən hər bir donorun sağlamlıq vəziyyəti əvvəlcədən yoxlanılıb. Hərtərəfli tibbi müayinədən sonra onlardan qan götürülüb.
Toplanan qan ehtiyatı yoxlandıqdan sonra talassemiya, hemofiliya və leykoz kimi xəstəliklərdən əziyyət çəkən şəxslər üçün istifadə olunacaq.
Qeyd edək ki, qanvermə aksiyası gün ərzində davam edəcək.
Tibbi tədbirdə şəhər rəhbəri ilə yanaşı bələdiyyə sədrləri, idarə, müəssisə və təşkilat rəhbərləri, eləcə də ictimaiyyət nümayəndələri iştirak ediblər.
