Gəncə şəhərində Nizami Gəncəvi prospekti ilə Şah İsmayıl Xətai prospektinin kəsişməsində asfalt örtüyünün yenilənməsi yol infrastrukturunda uyğunsuzluq yaradıb.
Belə ki, yalnız Nizami Gəncəvi prospektində yeni asfalt salınıb, digər prospektin yol örtüyü isə köhnə qalıb. Bu da iki səviyyə arasında fərq yaradaraq ərazidə süni tramplin effekti formalaşdırıb.
Gencexeber.az-a müraciət edən sürücülər bildirirlər ki, bu fərq avtomobillərin hərəkətini çətinləşdirir və sürət məcburi şəkildə azalır.
Nəticədə yolun həmin hissəsində nəqliyyat axını zəifləyir, tıxac yaranır.
Sürücülər məsələnin tez bir zamanda aradan qaldırılmasını, yol səthlərinin bərabərləşdirilməsini və hərəkətin fasiləsizliyinin təmin edilməsini tələb edirlər.
