Gəncə şəhərində sanitariya vəziyyəti ilə bağlı sakinlər ciddi narazılıq bildirirlər.
Gencexeber.az-ın məlumatına görə, Xəqani küçəsində (Dos-84) yerləşən hərbi şəhərcik və hərbi hospitalın ətrafındakı bərə uzun müddətdir baxımsız vəziyyətdədir. Yerli sakinlərin sözlərinə görə, ərazidə yaşayan şəxslər Samux Sukanal İdarəsinin balansında olan bu bərəyə çoxlu tullantılar atır. Nəticədə çirkab suları məcradan çıxaraq ətrafı çirkləndirib.
İri tut ağaclarının gövdələri isə bərənin bir neçə hissəsini tamamilə qırıb. Bunun nəticəsində sular əraziyə axaraq, evlərə və tikililərin zirzəmilərinə dolub. Vətəndaşlar qeyd edirlər ki, həm ətraf mühitə, həm də infrastruktur obyektlərinə ziyan vuran ağacların kəsilməsinə və bərənin təmir olunmasına ehtiyac var.
Sakinlər məsələ ilə bağlı aidiyyəti qurumlardan təcili tədbir görülməsini tələb edirlər.
