Gəncə şəhər M.Füzuli adına 22 nömrəli tam orta məktəbin nəzdində fəaliyyət göstərən İcma əsaslı məktəbəqədər təhsil mərkəzində 2–5 yaşlı uşaqlar üçün ödənişsiz məşğələlər təşkil olunur.
Gencexeber.az-ın məlumatına görə, mərkəzdə uşaqlar üçün bütün ləvazimatlar – iş dəftərləri, nağıl kitabları, boya, qələm, plastilin və digər vasitələr dövlət tərəfindən pulsuz təmin edilir. Kompüter və proyektor vasitəsilə interaktiv dərslər keçirilir, uşaqlar rənglər, fiqurlar, musiqi və xarici dillərlə tanış olurlar.
Məşğələlər iki qrup üzrə təşkil edilir (uşaqlar hər iki dərsdə iştirak edə bilərlər):
- 1-ci qrup saat 09:30–11:00;
- 2-ci qrup saat 11:00–13:00.
Hər qrupda 15–20 uşaq təhsil alır. Dərslər həftənin dörd günü – bazar ertəsi, çərşənbə axşamı, çərşənbə və cümə axşamı keçirilir.
Ünvan: 22 saylı məktəb, İcma əsaslı məktəbəqədər təhsil mərkəzi.
Uşaqlarını qeydiyyatdan keçirmək istəyən şəxslər (+994 55) 711 34 33 nömrəsi ilə əlaqə saxlaya bilərlər. Gəncə şəhər M.Füzuli adına 22 nömrəli tam orta məktəb Şota Rustavelli küçəsində yerləşir.
