Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən şəhərin Heydər Əliyev, Atatürk, Şah İsmayıl Xətai və Nizami Gəncəvi prospektlərində növbəti təmizlik işləri görülüb.
Gencexeber.az bildirir ki, aksiya çərçivəsində adıçəkilən ərazilər məişət tullantılarından, alaq otlarından, eləcə də toz-torpaqdan təmizlənib.
Bununla paralel olaraq məişət tullantılarının atılması üçün nəzərdə tutulan müxtəlif tutumlu konteynerlər boşaldılıb, ətrafları təmizlənib.
Təmizlik işlərinə MKTİB-nin Ərazi Xidmət Sahələrinin əməkdaşları və birliyin texnikaları cəlb olunub. Qeyd edək ki, Mənzil Kommunal Təsərrüfatı İstehsalat Birliyi tərəfindən Gəncədə aparılan analoji aksiyalar mütəmadi olaraq şəhərin müxtəlif ərazilərində də təşkil olunur.
