Gəncədə suyun keyfiyyəti ilə bağlı narazılıqlar artır.
Gencexeber.az-a daxil olan şikayətə əsasən, Gəncə şəhərinin tarixi Bala Bağman məhəlləsinin sakinləri təmin olunduqları su ilə bağlı ciddi narazılıq edirlər. Onların sözlərinə görə, suyun tərkibi və keyfiyyəti normalardan kənardır.
Sakinlərdən biri bildirib ki, yaşadığı evdə su ehtiyatını saxlamaq məqsədilə aldığı 3 tonluq çəni təmizləyərkən içindən cəmi bir ilə yığılmış 7 vedrə palçıq çıxıb. Çən əsasən təzyiq azaldıqda ehtiyat su kimi istifadə olunub.
“Bu biabırçılıqdır! Bu qədər palçıqlı, çöküntülü suya görə pul ödəyirik. Biz bu su ilə çimirik, paltarlarımızı yuyuruq – guya təmizlənirik”, – sakin bildirib.
Vətəndaşlar məsələ ilə bağlı aidiyyəti qurumdan müvafiq addımların atılmağını tələb edir.
