Gəncədə 1 nömrəli marşrut xəttinin sonuncu dayanacağında pavilyonun olmaması sakinlərin narazılığına səbəb olub.
Məsələ ilə bağlı Gencexeber.az-a müraciət edən vətəndaşlar bildiriblər ki, dayanacaqda sərnişinlərin yağışdan və günəşdən qorunması üçün pavilyon yoxdur. Bundan əlavə, dayanacağın ətrafında asfalt örtüyünün olmaması yağışlı havalarda vəziyyəti daha da çətinləşdirir.
Sakinlərin sözlərinə görə, sözügedən ərazidə yerləşən məhəllələrdə də asfalt örtüyü ilə bağlı problem var.
Onlar bildirirlər ki, məsələ ilə bağlı dəfələrlə aidiyyəti qurumlara müraciət etsələr də, problem həllini tapmayıb.
Vətəndaşlar məsul qurumlardan dayanacaqda pavilyon quraşdırılmasını və ərazinin asfaltlanmasını xahiş edirlər.
